O’ZBEKISTON RESPUBLIKASI HUDUDIDA OSHQOZON-ICHAK YARA KASALLIKLARI BI- LAN BOGLIQ HOLATLAR STATISTIKASI VA USHBU KASALLIKLARGA QARSHI DORI VOSITALARINING ASSORTIMENTI

Oshqozon yara (OY) kasalligi oshqozon-ichak trakti kasalliklari orasida eng keng tarqalgan kasalliklardan biridir. Respublikamiz hududida ushbu kasalliklar bilan kasallanish darajasi yuqori bo’lib, oxiri o’lim bilan tugallanish holatlari uchrab turadi. OY qarshi dori vositalarining ro‘yxatdan o‘tgan guruhlari asosan uzoq xorijdan olib kelinadi. Respublikamiz bozorida mavjud bo‘lgan OY qarshi dorilarning deyarli barchasi sintetik dori vositalardir. Ahamiyatlisi shundaki, OY kasalligini davolashda qo‘llaniladigan mahalliy dori vositalarining son jihatdan ustunligiga qaramay, assortimenti keng emas. Ovqat hazm qilish tizimi kasalliklaridagi kabi boshqa hech qanday kasalliklarda, o‘simlik xomashyolaridan olingan dori vositalari bunday keng ko‘lamda qo‘llanilmaydi. Ovqat hazm qilish tizimida o‘tkir yoki surunkali kasalliklarini kelib chiqishiga ta’sir etuvchi turli xil sabablarni davolashda samarali dori vositalarini izlab topish talab etiladi. Ular qatorida dorivor o‘simliklar bilan davolash o‘zining ko‘p qirraliligi va yumshoq ta’siri bilan muhim o‘rin tutadi.