ONA TILI TA’LIMIDA O‘QUVCHILARNING LINGVOKULTUROLOGIK VA SOTSIOKULTUROLOGIK KOMPETENSIYALARINI SHAKLLANTIRISH OMILLARI

Mazkur maqolada ona tili ta’limida lingvokulturologik va sotsiokulturologik kompetensiyalarnishakllantirishning nazariy hamda amaliy asoslari yoritilgan. Tilning faqat aloqa vositasi emas, balki xalqning milliy tafakkuri, tarixiy xotirasi, ma’naviy qadriyatlari va madaniy kodlarini aks ettiruvchi muhim omil ekanligi tahlil qilingan. Tadqiqotda lingvokulturologik yondashuv orqali o‘quvchilarda til birliklarining madaniy mazmunini anglash, milliy konseptlarni idrok etish, frazeologizmlar, ramziy obrazlar va badiiy matnlardagi madaniy qatlamlarni tahlil qilish ko‘nikmalarini shakllantirish masalalari ko‘rib chiqilgan. Shuningdek, sotsiokulturologik kompetensiyaning o‘quvchilarga jamiyatdagi nutqiy me’yorlar, ijtimoiy rollar, muloqot etikasi va vaziyatga mos nutq strategiyalarini egallashdagi ahamiyati ochib berilgan.