NOMUSGA TEGISH JINOYATINING JINOYAT-HUQUQIY TAVSIFI VA KVALIFIKATSIYA QILISH MASALALARI

Mazkur maqolada O‘zbekiston Respublikasi jinoyat qonunchiligida nazarda tutilgan nomusga tegish jinoyatining jinoyat-huquqiy tabiati, tarkibiy elementlari va uni kvalifikatsiya qilish bilan bog‘liq masalalar tahlil qilinadi. Xususan, jinoyatning obyekti, obyektiv tomoni, subyekti va subyektiv tomonining mazmuni, zo‘rlik ishlatish, tahdid etish hamda jabrlanuvchining ojiz ahvolidan foydalanish belgilarining huquqiy mohiyati yoritiladi. Shuningdek, nomusga tegish jinoyatining tugallanish payti, uni jinsiy ehtiyojni g‘ayritabiiy usulda qondirish jinoyatidan farqlash mezonlari hamda jinoyat tarkibini aniqlashda e’tibor qaratilishi lozim bo‘lgan jihatlar o‘rganiladi. Tahlil natijasida jinoyat-huquqiy normalarni to‘g‘ri qo‘llash va jinoyatlarni kvalifikatsiya qilishga doir yakuniy xulosalar shakllantiriladi.