“NIDO” DOSTONING G‘OYASI VA BADIIY TALQINI

Mazkur tezisda Erkin Vohidovning “Nido” dostoni g‘oyaviybadiiy jihatdan tahlil qilinadi. Asarda inson qalbi, vijdon, haqiqat va jamiyat o‘rtasidagi murakkab munosabatlar, shaxsning ichki kechinmalari hamda ijtimoiy mas’uliyat masalalari yoritilgan. Dostondagi lirik qahramon obrazi, uning ruhiy iztiroblari va haqiqat uchun kurashi badiiy-falsafiy nuqtayi nazardan baholanadi. Shuningdek, asarda qo‘llanilgan badiiy tasvir vositalari hamda “nido” timsolining ramziy mazmuni ochib berilib, asarning o‘zbek adabiyotidagi g‘oyaviy-estetik ahamiyati asoslanadi.