NAMANGAN VILOYATIDA SANOATNING HUDUDIY DIFFERENSIALLASHUVI VA IQTISODIY DETERMINANTLARI

Mazkur tadqiqotda Namangan viloyatida sanoatning hududiy differensiallashuvi va unga taʼsir etuvchi iqtisodiy determinantlar ekonometrik yondashuv asosida tahlil qilindi. Tadqiqot davomida investitsion faollik, mehnat resurslari salohiyati, infratuzilma taʼminoti, urbanizatsiya darajasi va bozor sigʻimining sanoat rivojlanishiga taʼsiri baholandi. Natijalar sanoat ishlab chiqarishi hududlar boʻyicha notekis taqsimlanganini hamda investitsiyalar va infratuzilma omillari sanoat konsentratsiyasini kuchaytirganini koʻrsatdi. Tadqiqot hududiy sanoat siyosatini takomillashtirish va iqtisodiy rivojlanishning muvozanatli modelini shakllantirish uchun ilmiy asos yaratdi.