LISONIY O‘ZGARUVCHANLIK VA UNI SOTSIOLINGVISTIK JIHATDAN O‘RGANISH MUAMMOLARI

Ushbu maqolada lisoniy o‘zgaruvchanlikni sotsiolingvistik yondashuv doirasida o‘rganish muammolari ko‘rib chiqiladi, lisoniy o‘zgaruvchanlikning tiplari va turlari, lisoniy me’yor bilan o‘zaro bog‘liqligi, lisoniy variantlarning paydo bo‘lishi va faoliyatiga ekstralingvistik va ijtimoiy omillarning ta’siri ochib beriladi, jamiyatning ijtimoiy jihatdan har xilligi lisoniy variativlikni sotsiolingvistik yondashuv doirasida o‘rganish zaruriyatiga olib kelishi, bunda tadqiqotning diqqat markazida til me’yori, so‘zlashuv nutqi turli dialektlar (hududiy, ijtimoiy) va kasbiy jargonlar kabi turli lingvistik shakllar yotishi asoslanadi. Bunda sotsiolektlar milliy til doirasidagi ma’lum bir ijtimoiy guruh (kasbiy, tabaqa, yosh va boshqalar) nutqiga xos bo‘lgan lingvistik xususiyatlar yig‘indisi sifatida sotsiolingvistikaning o‘rganish ob’ekti vazifasini o‘taydi.