KICHIK SANOAT ZONALARI FAOLIYATINI TAKOMILLASHTIRISH

Ushbu maqolada kichik sanoat zonalari faoliyatini takomillashtirishning nazariy va amaliy asoslari yoritildi. Tadqiqotchi kichik sanoat zonalarining hududiy ishlab chiqarishni jonlantirish, yangi ish oʻrinlarini yaratish hamda mahalliy tadbirkorlikni mustahkamlashdagi oʻrnini asosladi. Oʻzbekistonda 2019-2023-yillarda qayd etilgan rasmiy statistik koʻrsatkichlar orqali zonalar soni, ishlab chiqarish hajmi va eksport salohiyatining barqaror kengayishi ochib berildi. Investitsiya oqimlari va tarmoq ixtisoslashuvi boʻyicha ijobiy oʻzgarishlar aniqlandi. Takomillashtirishning tarmoqli ixtisoslashuv, infratuzilma yangilanishi, raqamli boshqaruv va eksportni ragʻbatlantirish yoʻnalishlari ilmiy jihatdan asoslandi. Olingan xulosalar zonalarni boshqarish samaradorligini oshirishga va hududlar raqobatbardoshligini kuchaytirishga xizmat qilishi koʻrsatildi.