KAPITAL BOZORIDA AKSIYADORLIK JAMIYATLARINING DIVIDEND SIYOSATI

Mazkur maqolada kapital bozorida aksiyadorlik jamiyatlarining dividend siyosati iqtisodiy va amaliy jihatdan tahlil qilindi. Tadqiqotda dividend siyosatining kompaniya qiymati, investitsion jozibadorlik va aksiyadorlar daromadlariga taʼsiri oʻrganildi. Kapital bozorining tuzilmasi, birlamchi va ikkilamchi bozorlarning oʻzaro bogʻliqligi asoslab berildi. “Hamkorbank” ATB misolida dividend toʻlovlari dinamikasi baholanib, oddiy va imtiyozli aksiyalar boʻyicha farqlar aniqlandi. Natijalar dividend siyosatini takomillashtirish kapital bozori barqarorligini oshirishga xizmat qilishini koʻrsatdi.