EPILEPSIYA BILAN KASALLANGAN BEMOR- LARDA KUZATILADIGAN GIPERTROFIK GINGI- VITNI DAVOLASH USULLARINI TAKOMIL- LASHTIRISH

Hozirgi kundagi dolzarb muammolardan biri bu epilepsiya kasalligi bilan og’rigan bemorlar soni ortib borayotganligidir. Dunyo miqyosida bu kasallik bilan kasallangan bemorlar soni yildan yilga oshib bormoqda, lekin bu kasallikning boshqa kasalliklar bilan bog’liq patogenezi to’g’risida yetarlicha ma’lumotlar yo’q. Statistik ma’lumotlarga ko’ra, hozirgi kunga kelib epilepsiya bilan kasallangan bemorlar soni, dunyo aholisi bo’yicha 1000 aholiga 5-6 kishi to’g’ri kelmoqda. Epilepsiya kasalligi ko’proq yosh va keksa yoshlilarda uchramoqda. O’rta yoshli insonlarda esa bu ko’rsatlich past. Epilepsiya bilan kasallangan bemorlar hayoti davomida epilepsiyaga qarshi dori vositalari(masalan antikonvulsantlar) bn bu kasallik bilan kurashadilar. Bu dori vositalari avvalambor, og’iz bo’shligida bir qator o’zgarishlar keltirib chiqaradi. Bular orasida eng ko’p uchraydigani gipertrofik gingivitdir. Antikonvulsantlar orasida ayniqsa difein (МНН Phenytoin) og’iz bo’shlig’I uchun ayniqsa zararlidir va gipertrofik gingivit kelib chiqishida eng muhim faktordir.