“DUBLINLIKLAR” VA “URUSH ODAMLARI” ASARLARIDA IJTIMOIY SIYOSIY, AXLOQIY VA TA’LIMIY QARASHLAR

Ushbu maqolada Jeyms Joysning “Dublinliklar” hamda Nazar Eshonqulning “Urush odamlari” asarlari qiyosiy adabiy-tahliliy yondashuv asosida o‘rganiladi. Asarlar tarkibida aks etgan ijtimoiy-siyosiy, axloqiy va ta’limiy g‘oyalar madaniy, tarixiy va milliy kontekstda tahlil qilinadi. Mualliflar obrazlar orqali jamiyatdagi ruhiy inqiroz, milliy ong, axloqiy tanlov va ta’limning jamiyatdagi o‘rnini turlicha tasvirlaydi. Qiyosiy tahlil G‘arb va Sharq adabiyotidagi axloqiy yondashuvlar, erkinlik va ma’rifat haqida farqli tasavvurlarni ochib beradi. Ushbu maqola adabiyotda inson va jamiyat o‘rtasidagi ziddiyatlarni yoritishda ikki xil madaniy-estetik modelni taqqoslaydi.