DAVLAT ORGANLARINING AYOL HUQUQLARINI AMALGA OSHIRISHDAGI VAKOLATLARI VA FUNKSIYALARI

Ushbu maqolada davlat organlarining ayollar hamda bolalarning huquq va qonuniy manfaatlarini ta’minlash sohasidagi vakolatlari va funksiyalari huquqiy jihatdan tahlil qilingan. O‘zbekiston Respublikasida xotin-qizlarni tazyiq va zo‘ravonlikdan himoya qilish, gender tenglikni ta’minlash, bolalarni zo‘ravonlikning barcha shakllaridan muhofaza qilishga qaratilgan qonunchilik islohotlari va institutsional mexanizmlar yoritilgan. Shuningdek, himoya orderi instituti, ayollarni reabilitatsiya qilish markazlari, bolalar huquqlarini himoya qilish tizimi, 1246 qisqa raqamli ishonch telefonining huquqiy asoslari hamda davlat organlarining ushbu sohadagi o‘zaro hamkorligi ilmiy-nazariy va amaliy jihatdan baholangan. Maqolada milliy qonunchilik normalari xalqaro standartlar bilan qiyosiy tahlil qilinib, ayollar va bolalar huquqlarini himoya qilish samaradorligini yanada oshirishga qaratilgan takliflar ishlab chiqilgan.