BƏZİ H1-HİSTAMİN BLOKATORLARI PREPARATLARININ MİQDARI TƏYİNİ

Giriş Tibbi müxtəlif sahələrin allergiyaəleyhinə vasitələr kimi istifadə olunan dərman qrupuna H1-histamin reseptorlarının blokatorları aiddirlər. Bu qrupun II və III nəsli hesab olunan setirizin, levosetirizin, loratadin və desloratadin tibb təcrübəsində geniş tətbiq olunurlar. Bu qrup preparatların substansiya və dərman formalarında analiz üsulları haqqında məlumat əvvəlki işlərimizdə verilmişdir. Tədqiqatın məqsədi setirizin, levosetirizin, loratadin və desloratadinin substansiya və müxtəlif dərman formalarında Yüksək Effektivli Maye Xromatoqrafiyası (YEMX) üsullu ilə miqdarı təyininin aparılmasıdır.