Қарақалпақ тилинде ала сөзиниң мәнилери

Рең түсиниги бизди қоршаған орталық, тәбият ҳәм предметлерге байланыслы келип шыққан. Сонлықтан, ақ реңди булт ҳәм қар менен, қара реңди жер, түн, қуслар менен, қызыл реңди қан, от пенен, жасыл реңди бәҳәр, тоғай ҳәм тереклер менен, көк реңди аспан ҳәм суў менен, сары реңди қуяш, бийдай менен салыстырады. Тийкарғы рең билдириўши сөзлерге ақ, қара, қызыл, көк, жасыл, сары, қоңыр, сур реңлер киргизиледи. Сондай-ақ, тәбиятта ушырасатуғын реңлер илимпазлар тәрепинен еки түрге –ахроматикалық ҳәм хроматикалық реңлерге бөлинеди. Ахроматикалық реңлерге ақ, қара ҳәм сур реңлер, ал хроматикалық реңлерге қызыл, көк, жасыл, сары,қоңыр реңлер киргизиледи[1,11]