МАҚРОИҚТИСОДИЙ БАРҚАРОРЛИК ШАРОИТИДА ФАКТОРИНГГА ТАЪСИР ЭТУВЧИ ОМИЛЛАР

Макроиқтисодий барқарорлик шароитида факторинг амалиёти хўжалик юритувчи субъектлар ўртасида ўзининг ҳар томонлама қулай молиявий хизмат тури эканлигини исботлади. Айниқса мол етакзиб берувчи ўз маҳсулотини харидорга етказгандан дебиторлик қарзини муддати келгунча кутмасдан ушбу суммани тижорат банки ёки нобанк кредит ташкилотлари орқали дарҳол молиялаштирилиши хўжалик юритувчи субъектларнинг айланма маблағларини айланиш тезлигини оширади. Ушбу тадқиқотда дунё мамлакатларни ривожланган, ривожланаётган, ўрта ривожланган ва паст ривожланганлиги бўйича гуруҳларга ажратиб факторингни экспорт-импортга ўзаро боғлиқлик даражасини ўргандик. Мамлакатимиз тижорат банкларидан бирининг эконометрик таҳлил ёрдамида факторинг амалиётини турли хил макроиқтисодий кўрсаткичларига таъсирини ўрганиб ўз фикр ва хулосаларимиз билан тўлдирдик.